1. |
Die Gschichd vom Ersten
05:49
|
|||
|
DI GSCHICHD VOM ERSTEN
wie a gfoan is midn wogn mid di pferd unta die eiskoidn stern
weu weihnochtn is pilgern di karpfn vo krumlov auf wean
di papn weid offn weus in dem bottich sich gegnseitig stessn
boid sans in wean do weans gfressn
wie as schoffd sei frau ois niemand vo di grossn bauan zum kafn
mid da vuagob inahoib vo an joa wos bestimmd woa zu schaffn
mid da frau obn am kutschbock hint di mitgift owe auf krems
iwanochdn in an wiadshaus im woid in da nähe vo schrems
di gschichd vom erstn so wias da zweite dazöd
wegn di bücha in dera wüdnis hod a gschlofn zwischn d radln untan wogn
und vuaher des bettzeig vo da mitgift ins zimma auffetrogn
di lady gebettet in fedan und an feinen kleid
sie woan wia ma so sogd sehr tüchtige rechtschoffane leid
zerst a haus in da oidstodt dawirtschoft göglstroßn zwa
dan wöda und föda gründe und kinda hams a
ma kau sogn di bauan hams in da stodt zu wos brochd
iwa krems huckd a vogl schwoaz wia di nochd
di gschichd vom erstn so wias da zweite dazöd
wegn da angst und da steia den besitz da frau iwaschriebn
in a jingare vaknoid dan Scheidung nix is eam bliebn
mid seine sechzig is a nu schichtdln in di hütte so sogd di gschichd
saumiad und dreckig ham vorbei am gehässign gsicht
vo da ex di nua schaud und so duad ois obs eh nua nahd
da opa da höd er hods wieda dazahd
göglstrossn zwa
mei oma is aufgstiegn vo ana magd zu seiner neichn frau
da voda der woa scho am weg göglstroßn zwa
dem hod a di hiddn a umghängd owa ka göd
da fluach is das di gschicht da zweite ois zweita dazöd
da erste dawirtschofd
da zweite dahoids
du bist da dritte
beim drittn do foids
göglstrossn zwa
|
||||
2. |
Da Zweite am Sprung
03:21
|
|||
|
DA ZWEITE AM SPRUNG
da zweite woa scho am sprung
voi mit träumen so jung
voa eam liegd des weide offane meer
im hafen von cuxhaven
do liegd a schiff
des bringd eam fuad
des nimmd eam mid
er riachd scho die briese seine braut ist die see
südamerika
di träume stechen in see
ahoi freunde ade
di nochd is noch jung
er is scho am sprung
dan brad a vogl a schwoaza
die eisanen fliagl aus
streng is da ruaf vo an voda
a brava bua kumd reumütig zhaus
|
||||
3. |
Schnee
03:47
|
|||
|
SCHNEE
da schnee der wos
zu ostern foid
der deckt ois zua
da schnee der wos
zu ostern liegenbleibt
der friad ois ei
dabei hob i di grod erst gfundn
dabei hob i di grod erst gsegn
leise bist ma entschwundn
im schnee der wos
zu ostern foid
a rosn zadredn
vua mia am bodn
wia a eidrigads bluad
a tiafdunkles rot
in ana kreideweissn wöd
a tofe schoklad
dabei hob i di grod erst gfundn
dabei hob i di grod erst gsegn
am sundog alla vorm fernsehr
und drausd liegd da schnee
der wos zu ostern foid
i warad jo so fest entschlossen
nur hob i den schlissl valegt
mei herz hams auf da toifoad daschossen
iwa mi legd si leise
da schnee
|
||||
4. |
König der Kröten
04:49
|
|||
|
KÖNIG DER KRÖTEN
eigsperrd in des tümpeln
am doch obn riachds noch sumpf
a wossaschodn im gerümpel
und des in ana fremdn untakunft
dan eine in di dornen
mid da zungan voran stott n schwert
ned zum fliagnfangan
a kuss wa ollas wert
schau mi au
i bin da könig der kröten
i rutsch ima nur auf meine knia
prinzessinnen gengan gean flötn
des märchen des kenn ma des is oid
du hucksd im turm und woadsd aufs goid
i bin da vawunschane der amoi
knoin woid
am grund vo dem brunnan
san di stern erst richtig hö
des leichtn mechd a fangan
er kumd ned vo da stö
irgendwos hod eam vawunschen
es is es woa amoi lang her
da turm wirft sein schoddn
di krone funkeld nimmamehr
schau mi au
i bin da könig der kröten
i rutsch ima nur auf meine knia
und a kuss warad echt von nöten
auf meina haud gspia i dei hand
und dan knoisd mi an di wand
dan steh i auf und suach
des gwand
di tschik danoch schmeckt bitta
da krötnkönig lochd
in di hoa pickt nu da glitta
vo ana unvahoffdn nochd
|
||||
5. |
Spanplattnzaan
02:35
|
|||
|
SPANPLOTTNZAAN
spanplottnzaan
den ganzn tog
oh lord have mercy
vazeih ma wau i frog
du kausd as richtn
du kausd as drahn
es is wies is
spanplottnzahn
|
||||
6. |
Di Sindn und des Biaßn
03:46
|
|||
|
DES SINDN UND DES BIASSN
da wecka leit
na bitte ned
grod woas nu sperrstund
jetz kum i zspäd
da spiagl liagd ned
di nochd di pickd im gsicht
na dan nu schnö rasiern
das mas ned a glei so sichd
spanplottnzaan
du kausd as richtn du kausd as drahn
spanplottnzaan
di sindn und des biassn di plottn miassn
dan kum i in di bude
da lift is vü zu kla
im gang lanan di plottn und
di schaun so richtig schwaa
di woin auffe iwas stockwerk
i schwör da mehr ois tausnd stiagn
di stundn rennan deppad
muagn wea i s gspian
spanplottnzaan
du kausd as richtn du kausd as drahn
spanplottnzaan
di sindn und des biassn di plottn miassn
mia ham uns gfreid iwa a weng a süwa wir im bistro de la tour
wo di linkslinkn trinkn und si vaschwörn bis in da frua
egal wi oft mas streichn nie is di wand weiß gnua
eh schowieda bistro und sexe in da frua
spanplottnzaan
du kausd as richtn du kausd as drahn
spanplottnzaan
di sindn und des biassn di plottn miassn
di sindn und des biassn
|
||||
7. |
Hinta Robnschwoarze Hoa
06:35
|
|||
|
HINTA ROBNSCHWOAZE HOA
es is a lange nochd
da bua is drausd im woid
am zweifen und am suachn
nua min hemad is eam koid
er riachd do is a schimma
er was duad muas a hi
da zweife hoid eam nimma
er wü jetzt oda nie
dan kumd a zu an fluss
wüd und koid und noß
do gehds nimma weida
des wossa is vü z groß
er schaud umme zum aundan ufa
er head flamman zum hümme schrein
da fluss is a varruckta
dem buam is zum rean
si schaud aussa ausn feia
hinta robnschwoaze hoa
vabrend duat ihre kreidln
und da bua sichd nix mehr kloa
des feia mochd eam hoffnung
is a liachd des fia eam scheint
er haud si eine in des wossa
erhod nix mehr zum valiern
jetz brennan tausnd feia
und nix zum orientiern
iwa eam obn am himme
die sensn vom mond
er ruadad wie a irrer
durch des wossa in dem a wohnd
er schofds bis an des ufa
noch vüle hoatn joa
di stern di siachd a leichtn
hinta robnschwoaze hoa
sie nimmd eam dan a zuwa
es is woam und es is woar
er legd si leise hi zum steam
hinta robnschwoaze hoa
dan gehd di sun auf hintan bam
und da bua kumd endlich ham
|
||||
8. |
An Jedn is koid
04:47
|
|||
|
AN JEDN IS KOID
leid lem im fiawa
leid lem im dreck
leid lem im wohnwogn
leid lem am fleck
leid lem in tempeln
leid lem im goid
leid lem vom stempeln
und an jedn is koid
leid hams gean woam
leid hams gean neich
leid san oft oam
leid san a reich
san oft ned schee
leid wean ned gean oid
leid mochn an schmäh und
an jedn wiad koid
grias di seavas seavas baba
um nix aundas drad se des muadsdrum trara
du drahsd di um und i friß di krod
loss eam schee griaßn
wausd eam sichsd sog
grüß gott
leid ham ihre sorgen
leid woadn auf morgn
si schaun mid di augn
leid dan si ned traun
si hean a kane schmerzn
jeda nimd si wos eam gfoid
leid ham wos aufn heazn
an jedn is koid
leid dan a liebn
leid san so tüchtig
san so getriebn
leid san so flüchtig
dan si oft duckn
leidscheich im woid
si bleim a gean huckn
und an jedn is koid
leid spün si midn feia
leid finden kan hoid
si vasteckn gern eia
und lochn mid gwoid
san oft so eigschädld
san oft so bled
vagräun si im kistal
leid scheißn aufd wöd
si schiabn ollas weg
wos eana ned gfoid
des mochns ima wieda
und an jedn is koid
grias di seavas seavas baba
um nix aundas drad se des muadsdrum trara
du drahsd di um und i friß di krod
loss eam schee griaßn
wausd eam sichsd sog
grüß gott
|
||||
9. |
Da Letzte
06:05
|
|||
|
DA LETZTE
regn spiagl kopfstapflosta
a kalmuckjanka klakariert
da schoafa gruch vabrunzte gassln
und schowieda so valiebt
wir schwimman durch di wirtn
es gibt ka muagn weus um des heid ned geht
stod in da schui
haz ma den ofn im stadtpark
di wiesn kost nix uns ghead di wöd
i bin da letzte der geht
i riach den flieda do im frühling
des riachd so weng noch stodt und doch noch staub
di blütn foin dan beim ainnan
i leg mi gean ins feichde laub
i kenn des werkzeig vo di ötan
di nodl den zwirn di schneidascha
und durch di engvastricktn maschn
bin i glott und vakehrt mit da gita
ima da letzte an da bar
da letzte der nu stehd
schwoaz is da vogl vo da vadrängung
wos woa kumd ima wieda des wü ned wegageh
i dad so gern auf so vüles pfeifn
am könig der krötn den prinzessinenschmäh
mei faust steckt im mäu von an wös in da donau
mei herz hod an spray wegn da COPD
des lochn dastickt im staub von da kohle
auf da suche noch liebe es is scho späd
i bin da letzte der geht
da letzte der nu steht
da letzte an da bar
und noch immer da
|
||||
10. |
Born in Krems
03:59
|
|||
|
BORN IN KREMS
zwischn krems und sta
is a klosta und a gfängnis
wan du ned guad aufpasst
is des glei a dei vahängnis
a hefn vüle kiachn
vielleichd soid ma si do fiachtn
die oide köllafeichtn
sie kuman da vo hint und dan dans beichtn
i bi born in krems
ned in zweddl ned in schrems
i bi born in krems
vom stanator zur wienabruckn
gehsd fosd an kilometer
vom hausbesitz noch obdochlos
sans oft nur a poa meter
na es wiad ned reichn
di schuid zu begleichn
es rind durch di engen gossn
da wein des bier di spirituosn
i bi born in krems
ned in zweddl ned in schrems
i bi born in krems
des bluad pickd auf di fliesn
im kölla höllad da applaus
an da schönen blauen donau
ufern di nächte so schnö aus
|
||||
If you like Alex Miksch, you may also like:
A concept record about coming-of-age gleefully grifts from all types of rock music, from garage to glam to power pop.
go to album
Inspired by their travels in New Orleans, Naples, and the UK, the “Italian-hills country blues” duo pen a global love letter to roots music.
go to album
Buffalo Nichols
by Buffalo Nichols
With virtuosic guitar-playing and evocative singing, Carl “Buffalo” Nichols returns Black stories to folk and blues.
go to album
Bittersweet Demons
by The Murlocs
The fifth record of soulful and rootsy rock and roll from Melbourne group The Murlocs.
go to album
Cerebral palsy curbed his ability to play guitar the conventional way, so Nagoda learned double slide, this is his debut LP.
go to album
Under An East Coast Moon
by Earlzinger
featured on Bandcamp Radio Apr 9, 2013
go to album
Soul Provider
by Elizabeth King
New on Bible & Tire: The searing new Gospel record from Elizabeth King, the Queen of Sacred Soul.
go to album
